ՀՌՉԱԿՈՒՄ
Posted on April. 20. 2019
COPY and PAST, որ թարգմանի՝ ԸՆԴՕՐԻՆԱԿԵԼ եւ ՏԵՂԱԴՐԵԼ։
Վերջին շրջանին, ամենայն վայոց ծայրապետ՝ Գարեգի Կտրիչ Ներսիսյան անելիք չունենալով, ընդօրինակում է էն, ինչ որ անում է, Մեծի Տանն Կիլիկիոյ Վեհափառ Հայրապետ՝ ՆՍՕՏՏ Արամ Ա. Ազգընտիր Կաթողիկոսը։ Օրինակ՝
2003 թուականէն սկսեալ, Արամ Ա. Կաթողիկոս յատուկ նախանձախնդրութեամբ, ամէն տարեսկիզբին յատուկ հռչակագրով մը կանդրադառնայ մեր ազգային-եկեղեցական կեանքին հետ առնչուող զանազան հարցերուն։ Այս նախանձախնդրութենէն մղուած, 2003 տարին հռչակած է, “Աստուածաշունչի Տարի”, 2004ը՝ “Ընտանիքի Տարի”, 2005ը՝ “Ազգային Պահանջատիրութեան Տարի”, 2006ը՝ “Հայ Դպրոցի Տարի”, 2007ը՝ “Հայ Լեզուի Տարի”, 2008ը՝ “Քրիստոնէական Դաստիարակութեան Տարի”, 2009ը՝ տարին “Երիտասարդութեան Տարի”, 2010ը՝ “Հայ Կնոջ Տարի”, 2011ը՝ “Հայ Մանուկի Տարի”, 2012ը՝ “Հայ Գիրքի Տարի”, 2013ը՝ “Հայ Մօր Տարի”, 2014ը՝ “Տարեցներու Տարի”, 2015ը՝ “100 Ամեակ Հայոց Ցեղասպանութեան”, 2016ը՝ “Ծառայութեան Տարի”, 2017ը՝ “Վերանորոգման Տարի”, 2018ը՝ “100 Ամեակ Հայաստանի Անկախութեան”։ Ու ահա նոյն սպասումով, 2019 տարին Ն.Ս.Օ.Տ.Տ. Արամ Ա. Կաթողիկոս հռչակեց “Հայ Մամուլի Տարի”։
Դարձեալ տարիներ առաջ, Արամ Ագ Վեհափառը Ծաղկազարդի տօնը հռչակեց “Հայ Մանուկներու Օր”։
Ու ահա, նախանձով լեցուն մեր ընդօրինակող ծայրապետն ամենայն վայոց, մի ոմն Գարեգին Կտրիչ Ներսիսյան, 2019 տարին կը հռչակէ “Հայ Ընտանիքի Տարի”, ու աւելի կանուխ, Ծաղկազարդը՝ “Հայ Մանուկներու Օր”։
Կիրակի, Ապրիլ 14, 2019-ին, Մեծի Տանն Կիլիկիոյ Կաթողիկոսութեան Տեղեկատուական համակարգը, ուրախութեամբ կը յայտարարէ, ՀԱՅ ԵԿԵՂԵՑԻՆ ԾԱՂԿԱԶԱՐԴՈՒԵՑԱՒ ԻՐ ԺՈՂՈՎՈՒՐԴՈՎ։
Նոյն օրը՝ Կիրակի, Ապրիլ 14, 2019-ին, Մայր Աթոռի Տեղեկատվական համակարգը լռելեայն կը յայտարարէ, ԱՄԵՆԱՅՆ ՀԱՅՈՑ ԿԱԹՈՂԻԿՈՍԸ ՓԱՌԱՒՈՐՈՒԵՑԱՒ ԾԱՂԿԱԶԱՐԴՈՎ, երբ կը հրապարակէ խմբանկար մը, ուր կեդրոնը կեցած է, ինք՝ Գարեգին Կտրիչ Ներսիսյան կոչեցեալը։
Արամ Ա. Վեհափառ Հայրապետի համար, “Իւրաքանչիւր Ծաղկազարդ կրկնակի տօն է Մեծի Տանն Կիլիկիոյ Կաթողիկոսութեան Անթիլիասի Մայրավանքին համար, որովհետեւ այդ օր ո՛չ միայն կը նշուի Յիսուս Քրիստոսի յաղթական մուտքը Երուսաղէմ, այլ նաեւ Մայրավանքը կը ծաղկազարդուի իր ժողովուրդով”։
Իսկ Մայր Աթոռը զաւթողի նպատակը, հայաստանաբնակ բարի ու հաւատացեալ ժողովուրդի աչքին փոշի փչել է։ “Տեսէ՛ք այս նկարը, ու հասկացէ՛ք, թէ՛ ժողովուրդը որքան սիրում է ինձ՛”։ Ինքնախաբէութիւն։
Սրտցաւ հայորդի`
ԱՆԹՕ